• أستاذ دكتور أحمد المحروقي

حذاء القدم السكري و كيفية إختياره

توقيت شراء الجزمه

في وقت بالليل ليه لانه بالليل الرجل بتبقى وورمه حوالي نصف سم اكثر من الرجل في وقت الصباح و دي حاجه طبيعيه بعد الوقوف لفترات ان الواحد وقت النوم بالليل الدم بيرجع من الرجل بسهوله و يجعلها مش وارمة .الرجل لما بتبقى ورمه قوي ده بخليني اشتري جزمه ضيقه على رجلي فانا عايز اشتري حذاء مناسب على مقاس القدم بالضبط فانا يفضل ان انا اشتري الحذاء في الفتره المسائيه .

ما هي الموديلات المناسبه للأحذية بالنسبه لمرضي السكر

اول خطا ان الناس بتشتري حذاء بوزو مدبب البوز المدببه بيعرض اطراف الصوابع الى ضغط و يفضل ان وش الجزمه يبقى دائري علشان ما يبقاش يضايقك

الحاجه الثانية مقاس الجزمة

لازم يبقى في حوالي 2 سم بين طرف الصوابع وطرف الجزمه علشان ما يتعرضش طرف الرجل الى صدمات مستمره مع وش الجزمه من الداخل الحاجة الثالثه ان لازم حروف الجزمه الجانبيه تبقى الجزمه عريضه علشان ما يحصلش احتكاك جانبي مع الاصابع الحاجه اللي بعد كده انه لازم سقف الجزمه نفسه يبقى مرتفع طب ازاي اقيم هادي ان انا وانا لابس الجزمه ما اقدرش احس الصوابع من خلال وش الجزمه اذا حسيت الصوابع بسهوله من خلال وش الجزمه معناها ان في احتكاك بين سطح الصوابع والجلد بتاع المقدمه الحذاء وده ممكن يعرض الى احتكاك مستمر مع الاصابع بيعملنا مشاكل ،

الحاجه اللي بعد كده الكعب بتاع الجزمه

يفضل ان كعب الجزمه يبقى كعب ناشف ما يبقاش كعب مرن و نعل الجزمه يبقى بشكل عام صلب علشان يقدر يحميني من الصدمات وفي نفس الوقت بيدعم الرجل يحفظ توازنها بدون ما تلتوي بسهوله على اي سطح مش ممهد كما أن النعل الصلب يحفظ القدم من الالتواءات في الرجل دي من الحاجات المهمه.

النصيحة التالية هي ان الحذاء القدم السكري يبقى برباط

لان الرباط بيديني حاجتين اولا بيمسك الحذاء جيداً بالقدم وده ما يخليش الحذاء يخرج من الرجل بسهوله زي ما احنا طبعا اتفقنا في قبل كده ان ده ممكن يحصل في مرضى السكر ان هو الجزمه تطلع من رجله من غير مايحس و وجود جزمه برباط بيحمي من دة، الحاجه الثانيه من الرباط إنه بيسمح بالتحكم في شده الضغط بتاعه الجزمه على القدم.

النصيحة الثالية اللي احنا بنحذر منها هي بالنسبه للسيدات الحذاء الكعب العالي

و دة خطر جدا في مرضى السكر لان هو بيجعل الوزن بتاع الجسم كله موجه على مقدمه القدم مع طبعا ضعف الجلد وضعف الاعصاب والحاجات دي كلها ده ممكن يعرض الرجل الى قرح جامده جدا فيفضل للسيدات من مرضي سكر فتره طويله أن يتفادوا لبس الحذاء بالكعب العالي.

الحاجه الثانيه برده اللي بتعمل مشاكل جامده هو لبس الصنادل المفتوحه من الامام

ليه لان ما بتديش كميه كافيه للاصابع بيدي الواحد ممكن رجله تخبط في اي حاجه وهو ماشي و ممكن يتعور فيفضل ان احنا انت نتفادي الصنادل الحاجه الثانيه الشبشب ، الشبشب برده مشكله لان الشبشب سهل جدا يخرج من رجل مريض السكر وهو نازل السلم إو و هو ماشي في الشارع ممكن يلاقي الشبشب إتخلع من رجله ويمشي عدة خطوات على رجله و هو حافي و تحصل مشكله.

الحاجه الثانيه برده الشبشب اللي هو بصباع

برده ممكن يعمل إحتكاك جامد بين الاصابع ويعمل لنا مشكله جامده يفضل ان احنا انت فادي الشباشب والصنادل باشكالها وانواعها بالنسبه لمرضى السكر

الحاجه الثانيه برده اللي احنا بنقولها ان ما حدش يلبس حذاء بدون شراب

وده بيحصل كثير ليه الشراب يعتبر حمايه لرجلي اضافية من حتى لو كان حذاء مناسب فيجب ان انا آخذ بالي كويس اوي إن أنا لازم ابقى لابس شراب مع الحذاء وهنقول تفاصيل الشراب ومواصفاته في بوست تاني.

الحاجه الثانيه ان انا لازم اتاكد برده من الحذاء الخاص بمرضى السكر ان انا ما عنديش خياطه داخليه او بروزات داخل الجزمه

بعض الاحذيه بتبقى فيها الفرشه او البطانه الداخليه الخياطه ظاهرة من الداخل او بعض البروزات كل دي اماكن احتكاك ممكن تعمل احتكاك جامد مع الرجل يجب ان انا اتعرف على الحاجه الثانيه لازم تكون من جلد طري ما يبقاش في جلد ناشف خلاص علشان تبقي لينه مع الرجل و تاخذ شكل القدم وتديني ما تعرفش متصدمش برجل لا بالعكس تاخذ شكل الرجل المرونة في الحذاء تمنع الضغط الشديد على القدم ،

الحاجه الثانيه المهم إن انا ابص فيها الفرشه بتاعت الحذاء

تبقى ملساء وتكون طريه اذا ما كانتش حلوه كده اجيب فرش في الجزمه من ماده السيليكون اللي بتتباع كثير ، فرشة السيليكون بتمتص الصدمات بتاعت القدم بتدي حمايه كويسه لعبه الحاجه في حاجه ارشاديه الواحد بيعملها علشان يحصل على الحذاء المناسب بالنسبه للرجل ان انت ممكن تجيب ورقه بيضاء في البيت و تلبس الشراب بتاعك وبعد كده بتحط رجلك على الورقه دي و ترسم بالقلم حروف رجلك خلاص وبعد كده بتقوم بقاس من الاول طرف رسمه لغايه نهاية الكعب على الرسمه ديت دي هي دي اللي انت هتاخدها معك و إنت بتختار المقاس المناسب للحذاء ما اقدرش تعتمد قوي على ضيقه او واسعه زي ما انسان العادي يعتمد عليها لان زي ما اتفقنا الاحساس في الرجل ضعيف أو مش موجود بالدرجه الكامله فانا ما اقدرش أعتمد علي الإحساس بالحذاء ضيق او واسع من مجرد اللبس لازم اعتمد على مؤشرات اخرى بتساعدني منها الاختبار اللي احنا قلنا عليه،

الحاجه الثانيه برده ما حدش يشتري حذاء واسع زياده

عن المقاس بتاعه لان ده بيخلى الرجل تتحرك جوه وده ممكن يعمل لنا مشكله لازم الحذاء يبقى مناسب بالنسبه لك تمام دلوقت

لو انا اشتريت حذاء جديد

وفيه خطوره ان انا خايف يحصل اصابه منه لازم اول مره البس الحذاء ده البسه لفتره قصيرة جدا مثلاً ربع ساعه بس و بعده أشوف في اي اثر حمراء في اي اثار التهاب في اي مشاكل ظهرت في القدم اذا ما ظهرتش اي اثار بتدي استخدم الحذاء بزيادة الوقت تدريجياً في الاول لغايه اما الجلد يلين يفضل ان انا ما لبستهوش اكثر من ساعتين في اليوم الواحد و أزود الفتره دي تدريجيا طالما ما تحصلش مشاكل من الحذاء لازم بعد ما لبست الحذاء الجديد ده لازم لمده على الاقل اسبوع عشره ايام ان انا اتفقد ده رجلي بشكل يومي و اتاكد إن ما فيهاش اي جروح ما فيهاش اي حته وارمه ما فيهاش اي اصبع زي مجروح.




٢٤٣ مشاهدة٠ تعليق

أحدث منشورات

عرض الكل